TACHARTAS A1+ FAOI. ’25

ALL-LEVELS EVENT JAN. ’25

[Gàidhlig]

Abair gun robh sinn trang aig An Lòchran feasgar an-dè, ’s suas ri 20 duine an làthair gus pàirt a ghabhail sa chiad tachartas A1+ againn sa bhliadhn’ ùir!

Thòisich sinn le bhith a’ cur an aithne a chèile (Is mise…, Tha mi à…, Tha mi a’ fuireach ann an…), às dèidh sin chluich sinn geama beag far an robh aig na h-aoighean seantansan ann an Gàidhlig agus Beurla a chur còmhla. Chì thu an taisbeanadh (PowerPoint) againn gu h-ìosal, am measg nan dealbhan ⬇️⬇️

An uair sin, chleachd sinn a’ cheist “Ciamar a tha thu ag ionnsachadh Gàidhlig?” gus beagan còmhraidh fhosgladh. Bhruidhinn sinn air a’ chuspair seo nar buidhnean fad 15 mionaidean mus do ghabh sinn fois, ’s Andy a’ gabhail òrduighean tì agus cofaidh ann an Gàidhlig a-mhàin 😁

A1 - C2

Às dèidh na foise, chùm sinn air adhart le eacarsaich-èisteachd air an robh “A1 - C2”. Am measg luchd-ionnsachaidh, ’s e A1 an ìre as ìsle de Ghàidhlig agus C2 an ìre as àirde. Chì sibh gu h-ìosal na ceistean air an robh an geama seo stèidhichte - agus na clàraidhean fhèin cuideachd (le iomradh air tùs nan clàraidhean gus trioblaidean còrach-lethbhreac a sheachnadh):

Is math a rinn na h-aoighean againn leis a’ gheama dhùbhlanach seo 😁 Às dèidh dhuinn crìoch a chur air, rinn sinn eacarsaich-chabadaich eile a bha stèidhichte air a’ cheist “Dè tha thu a’ dèanamh a-nochd?” Thug Andy iomradh an uair sin air na tiopaichean-ionnsachaidh as fhèarr leis, dòighean-ionnsachaidh a thug (agus a bheir fhathast) tòrr taic dha le a chuid ionnsachaidh. Chì thu na tiopaichean seo am measg nan dealbhan cuideachd ⬇️⬇️

Le iomradh eile air an fharpais-sgrìobhaidh mhìosail againn #sgrìobhi, chuir sinn crìoch air feasgar A1+ eile le bhith a’ sgaradh an t-seòmair ann an dà leth - a’ chiad leth dhan feadhainn a bha airson fois a ghabhail agus cabadaich ann am Beurla mu dheidhinn ionnsachadh na Gàidhlig, agus an leth eile dhan fheadhainn a bha airson cabadaich sa Ghàidhlig gun chuspair sònraichte sam bith - dìreach cabadaich shaor, mar a chanas iad 🙂

Mòran, mòran taing dhan a h-uile duine airson tighinn a-steach agus taic a thoirt dhan Ghàidhlig - agus dhan Ghàidhlig agaibh fhèin, gu dearbh! Chaidh cuid dhe na h-aoighean againn an ath-dhoras dhan Lios Mhòr aig deireadh an fheasgair, gus pinnt a ghabhail còmhla agus an còmhradh Gàidhlig a chumail a’ dol 👍🍻

Chun an ath thuras, a chàirdean!

Andy, Dàibhidh agus sgioba An Lòchrain xx

♦️🔶♦️🔶♦️

[English]

How busy were we at An Lòchran yesterday afternoon, with up to 20 people in attendance to take part in our first A1+ event of the new year!

We started off by introducing ourselves (Is mise…, Tha mi à…, Tha mi a’ fuireach ann an…), after that we played a wee game where the guests had to pair up Gaelic and English sentences. Below you’ll see the PowerPoint slides we used, among the pictures ⬇️⬇️

After that, we used the question “Ciamar a tha thu ag ionnsachadh Gàidhlig?” (How are you learning Gaelic?) to open up some conversation. We talked about this subject in our groups for 15 minutes before we took a break, with Andy taking tea and coffee orders in Gaelic only 😁

A1 - C2

After the break, we kept going with a listening exercise called “A1 - C2”. Among learners, A1 is the most elementary level of Gaelic and C2 is the highest. Among the Gaelic version above ⬆️, you’ll find the recordings we used and the questions that this game was based on (with a reference to each recording’s source, for copyright purposes).

Our guests did well with this challenging game 😁 After we’d finished, we did another speaking exercise based on the question “Dè tha thu a’ dèanamh a-nochd?” (What are you doing tonight?) Andy then drew attention to his favourite learning tips, ways of learning that have helped (and still do help) his own learning immensely. You’ll find these tips among the pictures as well ⬇️⬇️

With a final reference to our monthly writing competition #sgrìobhi, we brought another A1+ afternoon to an close by splitting the room into two halves - the first half for those who wanted to have a rest and chat in English about learning Gaelic, and the other half for those who wanted to get stuck into some spoken Gaelic practice without any particular subject - just free conversation, so to speak 🙂

Thank you very, very much to everyone who came in to support the Gaelic language - and to help their own Gaelic, of course! Some of our attendees went next door to the Lismore at the end of the afternoon, to have a pint and keep the Gaelic conversation going 👍🍻

Until next time, friends!

Andy, David and the An Lòchran team xx